Советот на министри на Бугарија ги одобри измените кои треба да започнат да се имплементираат во тамошните училиштата уште од следната учебна година.
Органска храна и органски мед ќе бидат произведени и обезбедени за потребите на двата проекти „Школски плодови“ и „Школско млеко“ кои ќе започнат да се реализираат од следната учебна 2020/2021 година.
Ова го предвидува нацрт – уредбата за изменување и дополнување на условите за спроведување на проектите за обезбедување на овошје, зеленчук, млеко и млечни производи во училиштата во Бугарија, соопшти Советот на министри.
Според предвидените проекти, органското овошје, зеленчукот, млечните производи и органскиот мед ќе бидат доставени до сите градинки, училишта и центри за специјална едукативна поддршка во Бугарија.
При тоа, за медот мора да бидат исполнети одредени барања кои се наведени во уредбата. Така на пример мора да биде спакован во посебни паковања, одделно за секое дете.
Измените и дополнувањата на оваа уредбата имаат за цел да го стимулираат домашното производство. Затоа, се воведува и условот најмалку 50% од овошјето и зеленчукот што ќе се испорачува во училиштата и градинските во Бугарија да бидат произведени од бугарски производители.
Извор:Агри.бг
Напишете коментар