Мики Јанчов и неговата сестра Магдалена со пчеларство се занимаваат од поодамна, продолжувајќи ја семејната традиција. Посериозно Мики започнал да се занимава со пчеларството додека ја посетувал и успешно ја завршил обуката за млади пчелари организирана од Програмата за зачувување на природата (ПЗП).
Има два пчеларника и околу 100 пчелни семејства, сместени на еколошки чисто ридско подрачје во с.Грљани во близина на Виница. При одгледувањето применуваат нови, подобри и алтернативни биотехнички методи за добивање мед и пчелни производи.
„Пчелар може да биде само оној кој ги сака пчелите, оној на кој најпрво ќе му биде важен нивниот опстанок и кој е свесен дека секогаш ќе нема профит од нив. Но опстанокот на пчелите не треба да биде важен само за пчеларите, туку за сите луѓе подеднакво поради нивното големо значење.“
