Брашното од коприва се прави од суви и мелени листови од коприва. Исклучително е богато со железо и доволна е само една лажица за да се обезбеди потребната доза за организмот. Ова брашно е повеќенаменско и можете да го користите при правење тесто, супи, каши…
Покрај тоа што е богато со железо, копривата е полна и со витамини и минерали. Подеднакво лековит е чајот или чорбата од коприва. Од фино брашно од коприва се прави домашна козметика, а од крупно мелено брашно може да се направи храна или чај од коприва.
Она што е важно е да најдете здрави, незагадени коприви. Доцна пролет или почетокот на летото се идеални за собирање. Ако не можете да најдете здрава коприва, тогаш најдобро е да ја купите. Младите листови содржат најмногу хранливи материи.
Внимателно измијте ги свежите листови и фрлете ги оштетените. Пожелно е да користите ракавици бидејќи копривата може да ја иритира кожата.
Измиена поставете ја помеѓу две крпи за да ја впие водата што е можно подобро. Можете да ја исушите природно, но ризикувате да ја оштетите, подобро е да ја ставете во рерна. Загрејте на 120 ° C и ставете ги листовите во тенок слој околу 2-3 часа. Вратата на рерната треба да биде малку отворена (1-2 см) за да може да излезе влажниот воздух. Ако е можно, вклучете го вентилаторот, бидејќи значително ќе ја забрза циркулацијата на воздухот и ќе го скрати времето на сушење.
Кога листовите ќе станат кршливи и ќе се распаднат на допир, извадете ги од рерната и изгмечете ги со рака. Отфрлете ги стеблата и сите други делови што се сè уште влажни. Скршените листови вратете ги во рерна и продолжете со сушење уште еден час за да бидете сигурни дека се целосно суви. Потоа сомелете ги. Просејте го брашното низ сито. Некои поголеми честички ќе останат во ситото, па можете да ги сомелете во аван и потоа повторно да ги просеете.
Од 300 гр свежа коприва (листови и стебла) или 150 гр свежи листови, ќе добиете околу 20-25 гр ситно брашно и околу 10-15 гр дополнително крупно мелено брашно што останува по просејувањето. Чувајте го во херметички затворена тегла на темно, суво и ладно место.
Извор: agrosavjet.com
