Овие вкусни бомбици од сирење се идеален избор за ладно предјадење, празнична трпеза или дружење со пријателите. Се подготвуваат брзо и лесно, а комбинацијата од сирење, кашкавал и кремасто топено сирење создава богат и неодолив вкус.
Состојки:
- 300 грама сирење
- 50 грама кашкавал
- 3 топени сирења (зденки)
- 1 лажица пармезан
За валкање:
- свеж копар, ситно сечкан
Подготовка:
Во подлабок сад изрендајте ги сирењето и кашкавалот. Додадете ги пармезанот и топените сирења, па добро измешајте со лажица додека не добиете компактна и еднолична смеса. По желба, зачинете со малку црн бибер. Од подготвената смеса земајте мали количини и обликувајте бомбици со големина по желба. Бомбиците извалкајте ги во ситно сечкан копар. Пред сервирање, оставете ги во фрижидер околу 30 минути за подобро да се стегнат и да ги соединат вкусовите.
Послужете ги како ладно предјадење, дел од мезе или како вкусен залак за свечени пригоди. Освен што се многу вкусни, овие бомбици изгледаат декоративно на секоја трпеза.
МИА
