Без електрична енергија денеска ќе останат дел од корисниците во Карпош, Волково и Кисела Вода, соопштуваат од Центарот за управување со кризи (ЦУК), по добиено известување од ЕВН.
-Од ЕВН Македонија АД известуваат дека поради зафати во електродистрибутивната мрежа на ден 16.03.2026 година (Понеделник) без електрична енергија ќе останат: од 08:30 до 12:30 часот, корисниците на Ул.1506 Скупи и дел од ул. Никола Карев 9 кај река Лепенец и Стоп Енд Го. (општина Карпош), од 09:00 до 15:00 часот, дел од корисниците на ул. 31 Волково (оштина Ѓорче Петров), соопшти ЦУК.
Оттаму додаваат и дека од 11:00 до 13:00 часот, без струја ќе бидат и дел од корисниците на ул.Ефтим Спространов (Кисела Вода).
Поради планирана интервенција во водоводната мрежа, денеска без вода ќе останат дел од корисниците на улицата Железничка и кај „Неуромедика“. Како што информираат од ЈП „Водовод и канализација“, прекинот во водоснабдувањето е поради изведување водоводен приклучок Ф100 милиметри на улицата Железничка 66.
Водоснабдувањето ќе биде прекинато од 9:00 часот и ќе трае до завршување на работните активности.
Од претпријатието посочуваат дека со прекинато водоснабдување ќе бидат дел од корисниците на улицата Железничка и кај „Неуромедика“.
