Регулаторната Комисија за Енергетика, ги објави новите цени на горивата .
Во согласност со сите елементи, како и методологијата која се користи за пресметка на цените на нафтените деривати, од вечерва малопродажните цени на горивата се намалуваат во просек за 0.90%.
Цената на ЕУРОСУПЕР-95 се намалува за еден денар, па еден литар 95-октански бензин ќе чини 59.50 денари.
Цената на ЕУРОСУПЕР-98 се намалува за 1.50 денари за литар, и од вечерва на полноќ еден литар 98-октански бензин ќе чини 61.00 денари.
Малопродажната цена на ЕУРОДИЗЕЛ горивото не се менува, па еден литар дизел и понатаму ќе чини 53.00 денари.
Старо-новите цени стапуваат на сила вечерва на полноќ.
МИА
