Директорот на Платежната агенција, Никица Бачовски, преку својот фејсбук-профил информираше дека се исплатени средства за произведено и предадено млеко во преработувачките капацитети во март, април и мај 2021 година
„На сметките на 6396 корисници се исплатени 153.2 милиони денари за произведено и предадено млеко во преработувачките капацитети во март, април и мај 2021 година.
Висината на финансиската поддршка е 3.5 денари / литар за кравјо, односно 4.5 денари / литар за овчо и козјо млеко.
Во следните денови ќе се реализира и исплатата за произведеното и предадено млеко во месеците јуни и јули 2021.
Дополнително, АФПЗРР тековно се подготвува за имплементација на мерките од интервентниот фонд, вклучително и новата мерка за поддршка на млекопроизводителите за кои се предвидени 140 милиони денари како дополнителна субвенција за произведеното и предадено млеко во периодот октомври 2021 – септември 2022.“, рече Бачовски.
