– Вчерашната посета на валандовскиот регион ја искористив да го посетам Митко Количев, еден од многуте успешни корисници на ИПАРД фондот – напиша директорот на Агенцијата за финансиска поддршка во земјоделството и руралниот развој, Никица Бачовски, на својот фејсбук профил.
Митко преку мерката за инвестиции во материјални средства на земјоделските стопанства има набавено тракторска приколица, двобразден плуг, фреза, мулчер, рамњач и депозитор за ѓубре за кои има добиено финансиска помош од 213.547 денари од ИПАРД, што претставува 60% од вкупната инвестиција.
Во следните денови во стопанскиот двор на Митко се очекува да пристигне и новиот трактор кој е набавен преку програмата за рурален развој, која истотака ја имплементира Платежната Агенција.
-Нашите програми, мерки и нашата работа остануваат усмерени кон поддршка на секој земјоделец – доддаде Бачовски.
