-Трендот на користење на државно земјоделско земјиште е засилен во последниве години. Во две години имаме издадено околу 6.000 хектари земјоделско земјиште. Самиот земјоделец кога аплицира за државно земјоделско земјиште аплицира со програма и бизнис план каде што опишува што ќе сади и одгледува. Во зависност од тоа што ќе одгледува ќе зависи и должината на закупот, изјави во утрински брифинг Никица Бачовски, кој додава дека сето тоа понатаму се проверува со цел да се избегнат евентуални малверзации.
-Во изминатиот период воведовме некои новини – никогаш порано сточарите да успеајат да добијат земјиште за производство на сточна храна. Сега тоа ние им го обезбедивме, распишавме посебен оглас за сточарите.
-Инвестициските огласи се друга приказна. Таму условот за да го добиеш земјиштето е во рок од 5 години да изградиш преработувачки капацитет. Тука ефектите допрва ќе се видат. На тие 2.200 хектари и понудената инвестиција од 11,5 милиони евра во наредните пет години ние ќе имаме нови кланици, нови откупни центри, нови млинови, нови млекари, нови преработувачки капацитети. Тоа е тоа што и треба на македонската економија и земјоделието – додадена вредност на основниот производ. Значи не е доволно само да квантизираме, многу е важен и задоволувачкиот извоз.
Европа и светот сакаат конзервирана храна од Македонија – пиперчиња, ајвар, корнишони, печурки. Во тоа е иднината. Денес ако видите македонските производи бележат раст на цената. Со исплатата на субвенциите и долговите кои ги сведовме на минимум значеше и рентабилност на македонскиот земјоделец, кој што денес има многу поголем пристап до европските фондови, изјави во Утрински брифинг Никица Бачевски, шеф на кабинетот на министерот за земјоделство.
Извор: Слободна ТВ
