-Развојот на компаниите и бизнисите лоцирани во руралните подрачја е една од главните цели на ИПАРД програмата.
„Галениус Фарм“ е компанија која е редовен корисник на поддршката од Мерка 7 – Диверзификација на фарми и развој на бизниси.
Со добиената поддршка од ИПАРД I и ИПАРД II оваа компанија го има модернизирано производството на средства за хигиена, нега и убавина.
Автоматска машина за етикетирање, автоматски полнач со пневматски погон и линијата за пакување се дел од опремата која е поддржана од АФПЗРР со грант од 65% преку ИПАРД програмата.
Ова е само еден од низата на позитивни приказни и задоволни крајни корисници.
Повикот за Мерка 7 е активен и тече рокот за поднесување на апликации до 22.08.2021 година.
Ги повикуваме и охрабруваме сите земјоделци, занаетчии и претприемачи од руралните средини да аплицираат со своите проекти и да се придружат на огромниот број на корисници кои благодарение на ИПАРД програмата ги прошируваат своите бизниси, отвараат нови работни места и придонесуваат во растот на македонската економија.
Фејсбук-статус на Никица Бачовски, директор на Агенцијата за финансиска поддршка на земјоделството и руралниот развој
