Движејќи се низ штипските полиња и патот кој води кон селата Сарчиево и Врсаково лесно се забележува новата гринфилд инвестиција за примарна обработка и преработка на компир – Агро Фуд Компани.
Со финансиска поддршка од 
.
милион денари од ИПАРД II програмата се изгради модерен објект по европски стандарди и набавена е современа и автоматизирана земјоделска механизација за обработка на земјоделските површини. Вкупната реализирана инвестиција е 56 милиони денари.
Годишното производство на компир во Агро – Фуд е 3000 тони. Истиот се пакува и дистрибуира во земјава и земјите од соседството. За квалитетно производство кое ќе биде квалитетно спакувано се грижат над 20 вработени.
Ваквите капацитети кои даваат додадена вредност на основното производство се повеќе од потребни за македонското земјоделство и македонската економија. 
Мерките од ИПАРД програмата се фокусирани кон поддршка на сите инвестиции кои предвидуваат обработка и преработка на растителни и сточарски производи.
Се надевам дека ваквите инвестиции ќе поттикнат и охрабрат многу нови апликанти за европскиот фонд. 
Плодната почва, првокласните производи и модернизирани капацитети за нивна обработка, пакување и преработка е добитна комбинација за секој македонски земјоделски производ да има еднакви шанси на европските и светските пазари.
Фејсбук статус на Никица Бачовски – Директор на АФПЗРР.
