Во Светиниколскиот регион денеска сточари и земјоделци протестираат незадоволни од моменталната состојба во сточарствот, а меѓу другото и против депопулација на свињите. Од Агенцијата за храна и ветеринарство се зачудени од ваквата реакција бидејќи во реонот на Свети Николе не се врши депопулација на свињи бидејќи таму не е регистриран ниту еден случај на Африканска свинска чума.
„Официјално според податоците што ги има АХВ, во реонот на Свети Николе не е регистриран ниту еден случај на Африканска свинска чума. Општина Свети Николе не спаѓа во зоната под надзор и таму не се врши депопулација.“, рече директорот на Агенцијата за храна и ветеринарство, Николче Бабовски во изјавата за Агротим.
Според него најважно за сточарите е да остане ваквата ситуација без појава на болеста на тој регион поради што е важно да се почитуваат препораките од страна на Агенцијата за храна и ветеринарство.
Агенцијата ја следи состојбата со заразната болест кај свињите и апелира до сите фармери на сериозност и почитување на мерките и препораките.
