Со отворањето на американската економија се зголемува и побарувачката за артикли, и поради тоа фабриките се пред голем проблем, недостиг од работна сила, јави Си-ен-ен.
Поради производствената активност во САД индустријата има потреба од половина милион работни места, а нема квалификувана и некфалификувана работна сила. Недостигот од работна сила не е нова појава, но проблемот се продлабочува и може да има последици.
Според анализите на „Дилојт“ (Deloitte) и Институтот за производство (The Manufacturing Institute) 2,1 милиони работни места во производството до 2030 година нема да се пополнат и тоа може да ја чини американската економија и до една милијарда долари до 2030 година.
Според работодавците сега е потешко да се најде квалификувана работа сила отколку во 2018 година и покрај тоа што невработеноста е многу повисока.
Повеќе од три четвртини од анкетираните изјавија дека очекуваат проблеми со вработување и задржување работници оваа година. Според анализите, една од причините е што голем број Американци не сакаат да работат во фабрики поради стравување од роботизирање на работните места.
Во анализата на „Дилојт“ се наведува дека многу работодавци се соочуваат со недостиг на неквалификувана работна сила дури и кога минималната плата е повеќе од седум долари на час. Станува збор за позиции за кои не е потребно посебно образование или специфичности. Според анализата секоја четврта жена во САД размислува да ја напушти произвдоствената индустрија и тоа може да ги засили проблемите во индустријата.
Извор: МИА
