На прашањето на Агротим до Агенцијата за храна и ветеринарство до кога ќе бидат затворени добиточните пазари добивме одговор дека сеуште е на сила забраната, а мерките ќе бидат укинати откако ќе биде потврдена поволна епидемиолошка состојба со болеста и смалена активност на векторот кој ја шири, за што дополнително ќе информираат.
Се уште е на сила забраната за одржување на добиточни пазари, изложби или друг вид на спортски или културни настани на целата територија на земјава за сите преживни животни (говеда, овци, кози), воведена по потврдувањето на појава на болеста син јазик во одгледувалишта во Демир Капија, кон крајот на октомври годинава.
Врз основа на епидемиолошката состојба со болеста и донесено решение 02-2823/2 од 29.10.2024 година, за заштитни мерки во однос на болеста син јазик кај говеда, овци и кози, целата територија на државава е прогласена за заштитна зона.
Мерките ќе бидат укинати откако ќе биде потврдена поволна епидемиолошка состојба со болеста и смалена активност на векторот кој ја шири, за што, јавноста дополнително ќе биде известена – велат од АХВ.
