Подготвените јуфки од хуманитарната манифестација “Јуфкијада”, која се одржа во дворот на црквата “Св. Илија”, во дојранското село Фурка, ќе бидат дел од донациите за социјално загрозените семејства кои ги подготвува фондацијата “Елеуса” од Струмица.
Како што соопштија од оваа организација, јуфките, кои се познат специјалитет од македонската традиционална кујна, денеска се донирани во нивните простории и ќе бидат приклучени во хуманитарните пакети кои фондацијата ги доставува до загрозените семејства од регионот.
Националната федерација на фармери на Македонија е организир на хуманитарната манифестација во која учествуваа 80 жени од сите региони на државата. Со акцијата во селото Фурка, како што наведуваат од Федерацијата, се означува почетокот на кампањата “Жените земјоделки – од традиција до иновација”, која се реализира во рамки на одбележувањето на Меѓународната година на жените земјоделки, прогласена од Обединетите нации.
МИА
