Невообичаен настан се случи во Велес, каде што делењето на околу 2.000 табли со јајца прерасна во вистински хаос, откако голем број граѓани се собраа да ги добијат бесплатните производи. Наместо мирна дистрибуција, ситуацијата брзо ескалирала во турканици и неконтролирана гужва, поради што морала да интервенира и полицијата, информира Булевар.
Според информациите, огромниот интерес предизвикал наплив од граѓани, кои во еден момент почнале да се туркаат за да стигнат до јајцата. Очевидци велат дека атмосферата станала напната, а постоела реална опасност од стампедо, особено поради тесниот простор и неконтролираното движење на луѓето.
Полицијата била повикана на местото на настанот и брзо реагирала со цел да ја смири ситуацијата и да спречи поголем инцидент. Со нивно присуство и организација, гужвата постепено била ставена под контрола, а делењето продолжило во поуреден тек.
