Европската Комисија и преставнци од Западен Балкан разгледуваат решенија за непречено движење на транспортните работници во шенген зоната, информира 24ТВ.
Работна група, ќе ги усогласува ставовоите а една од опциите која се разгледува е возачите на камиони да се најдат во иста категорија со машиновозачите и пилотите, професии за кои важат поинакви правила..
Во очекување на трајно решение, од владата се надеваат дека Европската Комисијата е свесна за проблемот во транспортниот сектор и за брзо време на сила да стапат мерки кои треба да обезбедат непречена работа на транспортните компании ..Во меѓувреме, за возачите на камиони, ќе важи одложување на биометриската контрола за влез и излез од шенген зоната кое наместо во април, како што првично беше најавено, ќе стартува од септември..
Министерство за транспорт
„Претставниците на Европската Комисија ја потврдија новата визна стратегија на ЕУ во која превозниците се прифатени како професионалци и беше истакнато дека ја разгледуваат можноста оваа категорија на работници да биде третирана исто како и пилотите и машиновозачите.“
Од асоцијацијата Макам – транс велат дека задоволни од преговорите и дека Европската комисија сериозно му пристапува на проблемот… Позитивно е што се разгледува опцијата, и во патниот сообраќај да важи исклучокот кој е на сила во другите видови на сообраќај…
Билјана Муратовска
„Добивме позитивни сигнали бидејќи Европската Комисија разгледува и овој вид на превоз, патиот сообраќај, да се приклучи како исклучок што е направено за сите други видови превоз како што се железничќкиот, воздушниот и бродскиот сообраќај, што би било најдобро решение за сите нас затоа шт онема да се работи за вадење на визи , губење време по однос на тој процес што би се направил. “
На почетокот на минатата недела, транспортерите од Македонија, Србија, Црна Гора и од Босна и Херцеговина, го блокираа транспортниот сообраќај на граничните премини и побараа да бидат изземени од новиот систем за контрола на влез и излез во ЕУ , поради кој велат дека се соочуваат со економски штети и депортации…Првичните процени на коморите покажаа дека дневните загуби за регионот само кај извозот изнесуваат 100 милиони евра, а се алармираше и за последиците со недостиг на одредени увозни производи.
