Да го зголемиме домашното производство, неговото значење за вкупната економија, да имаат полесен пристап нашите граѓани до домашните производители, ја започнуваме кампањата „Македонско најдобро“, изјави на прес конференција министерот за земјоделство, шумарство и водостопанство Цветан Трипуновски.
Кога избираме македонски производ директно инвестираме во домашната економија.
Кампањата ќе бидат присутни секаде, билборди, флаери, постери за повик за регистрација, дигитална кампања и преку МЗШВ преку видеа и успешни приказни презентирани на јавноста.
Изработена е платформа на која може да се логирате и информирате за домашните производи. Ќе има можност за неколку регистрации:
-регистрација за земјоделците
-регистрација за преработувачи
-регистрација за продажните центри со локации
Покана до сите заинтересирани да станат дел од оваа иницијатива, изјави министерот за земјоделство Цветан Трипуновски.
„Македонско Најдобро: Наша традиција, наша гордост”! 
Граѓани, со гордост го најавувам почетокот на кампањата која ќе ја промени нашата перспектива кон домашното земјоделско производство!
Зошто „Македонско Најдобро”?
Затоа што со секој македонски производ што го избирате се:
зголемува и зајакнува домашното земјоделско производство;
просперитет за руралните средини;
подига свеста за квалитетот, автентичноста и значењето на домашните производи и преработки;
обезбедува полесен пристап на граѓаните до домашните земјоделски производи.
Нова дигитална платформа makedonskonajdobro.mk.
Ги повикувам сите земјоделци, земјоделски задруги, преработувачи и продажни центри:
Регистрирајте се на makedonskonajdobro.mk и станете дел од оваа позитивна промена!
Преку интерактивната мапа „Каде да купам” на дигиталната платформа – автоматски ги прикажува најблиските продажни места со домашни производи во вашата близина.
Наскоро ќе има и мобилна апликација за уште полесен пристап!
Кога избирате домашен земјоделски производ – избирате квалитет, автентичност и допринесувате за иднината на Македонија!
