Жителите на долненското село Рилево бараат да имаат основни услови за живот односно пристап до цивилизацијата и до државните и здравствените институции. Единствено се поврзани со соседното село Ропотово, но и тој пат е уништен и неасфалтиран. Велат дека заради ова, но и поради тоа што се заборавени од општината и во 21 век го немаат основното право за да се функционира во ова село. Итната помош доаѓа но ретко, а такси бара и по 1500 денари и тоа само до Ропотово, а до Рилево да се снаоѓаат сами. Оставени се сами на себе, а единствената шанса ја гледаат во централната власт да го изгради патот, информира РадиоПела.
Во селото Рилево моментно живеат околу 50 жители, а мештаните велат дека со изградбата на патот со сигурност бројот на жители ќе се зголемува.
