Уште една вегетациска сезона е на прагот, но работите во овоштарниците не заостануваат дури и во зимските месеци. Од сите задачи и обврски, посебно внимание треба да се посвети на резидбата.
Со оглед на тоа дека претставува важна агротехничка мерка која треба да се применува навреме, правилно и редовно во овошните насади, важно е да се истакне дека не секој може да ја извршува. Освен познавање на овошниот вид кој треба да се реже, постојат голем број на фактори кои влијаат на неговиот квалитет.
Според советникот за овоштарство, Михајло Жикиќ од ПСС Зајечар, постојат два вида на резидба: одгледување и резидба за род.
„Онаа за растење се врши во првите три до четири години за да се формира круната, додека резидбата за род се врши кога овошното дрво почнува да дава плодови, заради регулирање на плодноста, квалитетот на родот и одржување на растечката форма“, истакнува Жикиќ и додава дека овошните видови не се кројат на ист начин поради положбата на репродуктивните пупки на родните гранки.
Кои температури се идеални за резидба?
Како што напоменува понатаму, кај јаболчестите овошни видови родните папки се наоѓаат на врвовите на родните гранки, а има и таканаречени родни колачи, додека кај коскестите овошки се разликуваат мајски букети, кратки и долги родни гранки. Она на што тој особено сака да привлече внимание е фактот дека производителите кои сами ги кројат своите овошни насади треба добро да ги познаваат овие морфолошки карактеристики на овошките за правилно да ја извршат резидбата.
„Со резидбата се започнува наесен по завршување на вегетацискиот период, а се завршува во рана пролет кога повторно почнува вегетацијата. Затоа, идеални климатски услови за извршување на оваа активност се температурите од 5 до 10 степени па дури и до -2 “, вели тој.
Треба да се нагласи дека со кроењето се отстрануваат сите заболени и скршени гранки, оние што се вкрстуваат и кои одат на земја, додека кај сливите и црешите се скратуваат водечките за подобро разгранување.
„Секогаш ја прилагодуваме на насадот, што значи дека ако била родна годината, тогаш ќе биде посилна за да не го оптоваруваме премногу родот. Кај коскесто овошјето важи правилото дека еден година треба да има посилна резидба, следната година послаба, додека, на пример, при густо садење на јаболката резидбата е на две окца“.
Задолжителна дезинфекција на ножици
Задолжителна е дезинфекција на ножиците кои се користат при резидбата, особено во плантажите каде што е присутна Erwinia amylovora. Во тој случај, дезинфекцијата се врши се извршува после секој засек. По правило, од насадите се изнесуваат исечените гранки.
„Резидбата е многу сложена работа и бара посебна стручност и знаење.Имавме многу случаи во изминатите години кога производителите се обидуваа сами да ги искројат плантажите, но на крајот испадна многу лошо, па беа потребни неколку години за санирање на штетите. Од тие причини, треба да ја извршат стручни лица“.
Како што налага професијата, по резидбата треба да се третира со бакарни препарати за да се дезинфицираат засечените места и да се заштитат пред се од бактериски но и други инфекции.
Знаењето и искуството се важни
Долгогодишно искуство во резидбата има и овоштарот Горан Адамовиќ од књажевачкото село Вина, кој уште во рана младост стекнал одредени познавања. Сега веќе со децении ги сече своите овоштарници, во слободното време, и туѓите овоштарници.
. „Еден од основните принципи е формирање на формата за изглед од самиот почеток. Ако тоа не се направи правилно, многу е тешко да се поправи подоцна“, нагласува Адамовиќ.
Како што истакнува понатаму, доколу дозволиме родната гранка да се издолжи, тогаш соковите во неа не се враќаат, туку гранката раѓа само однадвор, но не и внатре во крошната. Поради оваа причина, при извршувањето на оваа работа потребно е знаење, но и искуство, за растението да ни врати со добар и квалитетен принос.
“Лесни и добри ножици, волја и знаење. Тоа е се што ви треба при кроењето”, заклучува овој овоштар.
Извор: agroklub.rs
