Американскиот кооперант Dairy Farmers of America (DFA), кој откупува млеко од повеќе од 8.500 млекари во 48 сојузуни држави, ги упати производители да го фрлаат произведеното млеко поради потешкотии во прометот со стока, известува Ројтерс.
Затворањето на рестораните и училиштата и пренасочување на стоката на трговските синџири доведе до вистински ноќен кошмар во логистиката и пакувањето на млечните производи, а превозниците имаат потешкотии со обезбедување на доволен број возачи. Поради затворање на поголем број продажни места во светот извозот исто така е запрен.
Млечната индустрија е погодена порано од останатите производители на прехранбени производи бидејќи млекото не може да се замрзнува ни да се складира. Иако побарувачката за млеко е во праст па на некои места во САД е ограничено дозволено купување по лице, на производителите им се советува произведеното млеко да го фрлаат.
” Стомакот ми се превртува“, вели 36 – годишниот производител Џејсон Лидл, додека стои на својата фарма каде млекото кое тече од вимето на неговите крави сега директно ќе заврши во канализација.
И другиот голем откупувач Land O’Lakes Inc. исто така ги предупреди своите производители на млеко дека мораат да го фрлаат, а третиот, Foremost Farms USA, ги упатил фармерите на намалување на бројот на грлата.
Продажбата на млеко во САД пораснала за 53% , до крајот на неделата кој завршил на 21 март во однос на истиот период минатата година, маслацот 127%, а сирењето 84%, покажуваат податоците на истражувањето кое го спровела агенцијата Нилсен. Цените на млекото во малопродажбата пораснале за 11,2 %.
