Агенцијата за финансиска поддршка на земјоделството и руралниот развој е институција која има голема важноста за земјоделските производители и со особено внимание се следи нејзината работа, исплатата на субвенциите, повиците за ИПАРД и другите мерки од програмата за Рурален развој.
Од неодамна прв човек на АФПЗРР е Илија Стоилев од кого побаравме одговор на неколку прашања кои се од интерес на земјоделците околу исплатата на субвенциите и кои повици да ги очекуваат производителите до крајот на годината.
-Во Агенцијата за финансиска поддршка на земјоделството и руралниот развој во тек е анализа на сите досегашни мерки при што е поставена цел да се докаже оправданоста на подршката за секоја мерка поединечно како и досегашниот ефект од вложените финансиски средства. Контролата на терен ќе биде засилена и перманентна, бидејки граѓаните имаат право да знаат дали вложените финансиски средства наменски се употребени. АФПЗРР ќе одговори на очекувањата на земјоделците околу редовната исплата на субвенциите преку програмата за директни плаќања, а тоа го докажа владата која од формирањето искажа подршка на земјоделците во вкупна вредност од 2 .000.000.000 денари што значи дека до крајот на 2024 година ќе нема заостанати и неисплатени субвенции за 2023, 2022 итн.- изјави Стоилев.
Што се однесува до мерките од Програмата за рурален развој кои наидоа на голем интерес од страна на земјоделците, директорот Стоилев најави неколку.
-Заедно со МЗШВ ќе предложиме значителни новитети во креирањето на новата програма во насока на одрживост и развој на земјоделскиот сектор. Секако ќе објавиме нови повици по мерките „Млад земјоделец“, „Рурална жена“ и други кои ги креираме заедно со нив. Целосно ја отвараме агенцијата во функција на земјоделците, работиме на подобрување на транспарентноста и АФПЗРР ќе биде отворена за сите прашања, дилеми и проблеми на производителите – изјави за Агротим, Стоилев.
