60% ГРАНТ од ИПАРД за пчеларство: Набавете опрема за производство, пакување, транспорт, АПИ комори и друго

Според досегашниот интерес од страна на читателите на Агротим, се потврдува актуелноста на Мерка 7 и од новата ИПАРД 3 програма. Токму затоа сакаме да ја доближиме до сите заинтересирани кои планираат да инвестираат во руралниот туризам и алтернативно земјоделско производство, преку информации кои услови треба да се исполнат и кои документи да се обезбедат за да може преку ИПАРД да се вратат 60 % од инвестицијата.

Планирате да инвестирате во РУРАЛЕН ТУРИЗАМ преку ИПАРД, проверете дали населеното место спаѓа во рурални области кои можат да користат средства

Во делот на инвестиции во алтернативното земјоделско производство, значајно место завземаат инвестициите во ПЧЕЛАРСТВОТО, каде што дел од прифатливите трошоци можат да бидат:

Опрема за пчеларство (опрема за прием, собирање и складирање)
Опрема за прием, собирање, складирање, полнење и пакување на мед,
Опрема за производство и пакување на други пчелни производи,
Опрема за етикетирање,
АПИ комори
Опрема и апарати за анализа на производот
Опрема за манипулација, товарање и растоварање,
Инсталација на соодветната опрема;
Достигнување на стандарди за заштита на животната средина;
Обезбедување на хигиенски и санитарни услови и т.н.

Кој може да аплицира:

– Физички лица:

Лице регистрирано во Единствениот регистар на Семејни земјоделски стопанства
Регистриран индивидуален земјоделец
Физичко лице регистрирано како: занаетчија, угостител, трговец поединец,

– Правни лица (микро и мали претпријатија):

Правни лица регистрирани во Централен регистар, кои не вработуваат над 50 вработени и немаат годишен обрт над 10 милиони евра.

-Задруги

Задруги регистрирани во Централен регистер согласно законот за задруги.

Новина во оваа програма ќе биде предфинансирањето, односно променет е и начинот на исплата на одобрените средства за одобрените проекти. Се предвидува авансна исплата на средства и тоа од 30 – 50 % од сумата со самото склучување на договорот за проектот.

Тоа, низ пример, значи дека ако се конкурира со проект вреден 100.000 евра за мерка каде повратот на инвестицијата е 60 %, апликантот, преку авансното финансирање, со склучување на ИПАРД договорот ќе добие до 50 % од средствата или 30.000 евра.