На прашањето дали постои разлика во квалитетот на квалитетот на домашниот производ и на увезениот, директорот на Агенцијата за храна и ветеринарство – Николче Бабовски, во емисијата Топ Тема изјави дека контролата на увезените производи ги врши АХВ, а тоа што се извезува сертификатите ги издава Државниот инспекторат за земјоделство.
-Ние годинава извршивме контрола на досега увезените 16 000 пратки храна. Дел од нив не ги задоволија услови кои треба да ги исполнат од безбедносен аспект и тие не беа пуштени во промет. Пример за храна од животинско потекло, уништивме околу 160 тони и не дозволивме да влезат во државата. При контролите за производи од неживотинско потекло, кои се извршени во 2023 дел од тие производи се вратени поради присуство на присуство на резидуи од пестициди. Имавме и пример со пратка од компири од европска држава во кои жал утврдивме присуство на резидуи од пестициди. Во наредниот увоз, од дотичната држава, редовно вршевме мустрирање на сите 10 пратки се’ додека не се докаже дека производот што доаѓа е безбеден – изјави Бабовски.
Тој потенцираше дека се строги контролите кои се вршат и граѓаните да не се грижат за квалитетот на производите што влегуваат во промет.
-Иако се направи фама дека граѓаните јадат домати со пестициди, во пратките од домати не најдовме резидуи од пестициди. Ни еден од резултатите не покажаа присуство. На тоа ригорозно внимаваме, ние земаме примерок и ја ставаме пратката под надзор. Олеснивме на економските оператори да не мора робата да стои во царинските терминали додека е под наздзор но тој производ не смее да се најде на пазар додека не се испита. Ако резултатите се негативни, тогаш таа пратка може да дојде на пазарот – изјави Бабовски.
Извор – Телма
