Во 2022 година земјите од ЕУ вложиле околу 69 милијарди евра во средства неопходни за обезбедување услуги за заштита на животната средина, објави денеска Евростат.
Во оваа категорија спаѓаат пречистителни станици, возила за транспорт на отпад, купување земјиште за создавање природен резерват или производство на опрема со помалку штетни емисии.
Корпорациите инвестирале околу 44 милијарди евра или околу 65 отсто од вкупните инвестиции во заштита на животната средина, а јавниот и невладиниот сектор преостанатите 35 отсто или околу 25 милијарди евра.
Учеството на инвестициите во заштита на животната средина во вкупните инвестиции во 2022 година изнесувало околу 2,5 отсто.
Корпорациите издвоиле 2,0 отсто од вкупните инвестиции за заштита на животната средина, а државите 4,8 отсто.
Најмногу инвестиции во животната средина се однесувале на отпадни води – 44,0 отсто и услуги за управување со отпад – 25,7 отсто.
Вкупно 10,5 отсто од инвестициите биле наменети за заштита на воздухот, а 7,8 отсто за заштита од радијација, истражување и развој на животната средина.
6,0 отсто од инвестициите се вложени во заштита на почвата и подземните води, 4,4 отсто во заштита на биолошката разновидност, а останатите 1,6 отсто се наменети за намалување на бучавата, соопшти Еуростат.
