Извештајот на Светска Банка за ажурирање на систематската дијагностика на земјата доаѓа во многу клучен период за нашата земја, и се совпаѓа со неколку големи процеси во земјата. Едниот е почетокот на сеопфатен процес на проверка и изготвување на националната развојна стратегија за наредните 20 години, како што е нотирано и во самиот извештај.
Вториот е процесот на објаснувачки и билатерални скрининг состаноци како прва од фазите на процесот на пристапување кон Европската Унија, со тоа што оваа недела се во тек објаснувачките и билатералните скрининзи за Кластер 5: Ресурси, земјоделство и кохезија. Паралелно, посветени сме и на планирањето и разработката на новопромовираниот план за раст од претседателката на Европската Комисијата Урсула фон дер Лајен, претставен на ГЛОБСЕК во Братислава, со особен фокус на идентификување на области за забрзана интеграција во единствениот пазар на Европската Унија.
Секретаријатот за европски прашања го координира користењето на фондовите на Европската Унија. Во моменталната финансиска рамка за периодот 2021-2027 година на располагање се околу 600-660 милиони евра за поддршка на процесот на европска интеграција. Стратешкиот одговор кој го покрива овој период, а кој се ревидира секоја година го претставува одговорот на земјата за инвестирање на ИПА средствата согласно приоритетите на ИПА 3.
Ја цениме соработката со Светска банка што ја имаме во рамките на Инвестициската рамка за Западен Балкан и верувам дека дополнително ќе се продлабочи со последните два проекти кои беа одобрени од оперативниот одбор на Инвестициската рамка за Западен Балкан на 30 јуни од областа на енергетиката
Со нетрпение ги очекувам новите производи за поддршка на развојот на приватниот сектор, вклучително и гарантните фондови и акции кои ќе ги поттикнат приватните инвестиции и создавањето нови работни места.
