Францускиот институт за земјоделство, храна и животна средина (INRAe) објави во својата најнова студија дека до 2050 година може да има постепено укинување на пестицидите во земјоделството.
Како што се наведува, за се се потребни „силни и координирани“ јавни политики. Таа проценка е направена врз основа на истражување во кое учествувале повеќе од 140 европски експерти, кои проучувале дали е можно целосно укинување на хемиските пестициди, без драстично намалување на земјоделското производство и без да се влијае на трговскиот биланс на Европската Унија, со ублажување на климатскиот товар на земјоделството и обновување на биодиверзитетот.
Меѓутоа, таквата трансформација не би го вклучила само земјоделскиот свет, туку и сите актери во прехранбените системи, од производители до потрошувачи, вклучувајќи ги бизнисите и јавните органи.
Истражувачот на INRAe и координатор на студијата, Оливие Мора, потсети дека политиките за намалување на употребата на пестициди во Европа досега имале мало или никакво влијание.
Во периодот од 2011 до 2021 година, вкупната количина на средства за заштита на растенијата кои се применуваат на европските полиња останала стабилна, околу 350.000 тони годишно.
Како што е наведено, прекумерната употреба на пестициди негативно влијае на одржливоста на земјоделските системи, влијае на брзо исчезнување на биолошката разновидност (инсекти, птици, фауна) и голем број патологии како когнитивно оштетување, Паркинсонова болест, детска леукемија, лимфом, рак на простата.
Едно од сценаријата за ослободување на европското земјоделство од зависноста од хемикалии до 2050 година вклучува создавање на специјализирани фарми кои би ги замениле „услугите“ обезбедени од хемикалиите, на кои би се одгледувале растителни видови кои се отпорни на штетници и патогени и на кои се применува нови технологии како биостимуланти кои го стимулираат имунитетот на посевите против био-агресорите, системи за набљудување парцели со помош на сензори, употреба на роботи кои би обезбедиле „индивидуализиран третман“ на секое растение.
