Во овоштарниците на француската група производители на јаболка Innatis, чија историја датира од 1960 година, клупските сорти претставуваат повеќе од 60 проценти од површината, а трендот забележува раст. Во средината на сезоната објавуваат преглед на клупски сорти, од кои секоја е избрана поради специфичностите и комплементарноста, пренесува Freshplaza. Сезонава ги најавуваат следниве шест:
HoneyCrunch се произведува во долината на Лоара и во Германија. Станува збор за двобојно јаболко кое се карактеризира со крцкавост и тенка кора. Се наоѓа на полиците во продавниците од септември до јуни. Неговиот вкус е освежителен, а плодовите се погодни за ужина и кулинарска подготовка. „Бербата по количина беше слична како минатата година, со поголеми плодови. Квалитетот на вкусот е добар благодарение на временските услови кои придонесоа за високата содржина на шеќер“, ја оцени сезоната Арно де Пуинеф, одговорен за оваа сорта.
Lolipop се карактеризира со интензивна црвена боја, висока содржина на шеќер и долг рок на траење. Тоа е слатко и благо јаболко, а достапно е од октомври до јули. Од своето појавување на пазарот во 2017 година, доживеа силен развој и за конвенционалното и за органското производство. „Како најслатко на пазарот, лесно го најде своето место во актуелната понуда на органски јаболка.“
Zingy се произведува во долината на Лоара и југоисточниот дел на Франција. Плодот на јаболкото е двобоен, малку кисел со силна црвена боја. Главно се продава во Франција и Велика Британија.
Choupette е двобојна сорта која е ценета поради својата слаткост и богата арома. Достапна е од декември до август. „Тоа е алтернатива на Гала и увозните јаболка од месец мај“, објаснува Џејмс Лонеј од групацијата „Innatis“.
Juliet е исто така двобојна, а во 2022 година ја прослави својата 20-годишнина. Тоа е првото јаболко кое е 100 проценти органско. Се продава од октомври до јули во Франција и во 30 други земји, а освојува и нови купувачи.
Lubee е одлично органско јаболко со жолто-зеленкасти плодови кои се многу ароматични со совршен баланс на шеќер и киселини, истакнуваат овоштарите.
