Минатата година во Европската Унија биле собрани вкупно 24,9 милиони тони овошје (без агруми и грозје). Од тој број, 14,4 милиони тони се јаболка и круши, 6,0 милиони тони праски, нектарини, кајсии, вишни и сливи, 2,6 милиони тони суптропско и тропско (смокви, киви, авокадо и банани), 1,2 милиони тони јаткасти плодови и 0,7 милиони тони бобинки (освен јагоди).
Главните производители минатата година со приближно еднаков удел биле Полска (19,7 отсто), Италија (19,3 отсто) и Шпанија (17,8 отсто).
Полска е исто така најголемиот производител на јаболка и држи една третина од производството во ЕУ.
Во цела ЕУ во 2021 година биле собрани 11,5 милиони тони цитруси (портокали, мандарини и лимони). Шпанија е главен производител на овој вид овошје поради климатските услови – многу сонце и топлина без температури под нулата.
Таа земја произвела речиси три петини (58,4 проценти) од сите цитруси во ЕУ, но е лидер и за некои други видови. Така, таа држи повеќе од една третина од производството на праски (34,7 проценти) и повеќе од половина од јаткастите плодови (50,4 проценти).
Романија е најголем производител на сливи (51,4 отсто).
