Денеска, на барање на тутунопроизводителите од Општина Конче, заедно со градоначалникот Благој Илиев, организиравме средба на која разговаравме со тутунопроизводителите од овој регион по повод нивното незадоволство од текот на откупот на тутун од реколтата 2019 – та.
Иако досега откупот се одвивал без никакви проблеми и откупени се околу 70 отсто од тутунот, тутунопроизводителите се загрижени за остатокот на тутун кој сеуште не е откупен.
На состанокот присуствуваа и претставници на фирмите откупувачи како и претседателот на Сојузот на Здружението на тутунари.
Откупот продолжува и понатаму и нема место за загриженост бидејќи институциите и откупувачите ќе направат се што е во нивна моќ за тутнот да биде откупен во целост, согласно договорените количини.
Фејсбук статус на Трајан Димковски, министер за земјоделство, шумарство и водостопанство
