Растенијата се комплексни организми чии тајни сè уште ги откриваме. Знаеме дека тие реагираат на стимули од околината. Стресот предизвикан од допирањето, виткањето и газењето, влијае на нивниот раст и развој.
Јапонските одгледувачи со векови ја користат техниката мугифуми, која претставува газење на зимската пченица и јачмен. Frontiersin пренесува дека оваа стара техника се применувала за да се спречи вретенестиот раст и полегнувањето, да се зајакне коренот, да се скрати висината на стеблото, да се зголеми должината на класот и да се зголеми приносот.
На мали површини, производителите и нивните семејства и соседи ги газат младите растенија, а на големи ги поминуваат со трактор со ваљак. Така е можно да се зголемат приносите на житарките и да се ублажи недостигот на храна ширум светот без употреба на големи количини ѓубрива, чие производство и употреба го зголемуваат оптоварувањето на животната средина.
Оваа техника, газење и триење, може да се примени и на градинарски култури кои ќе бидат поотпорни на мраз и болести.
Решена генетска мистерија
Една нова студија објавена во Science Advances испитала сложени регулаторни мрежи кои влијаат на тоа како одбраната на растенијата се зајакнува со надворешни влијанија. Истражувачите од Универзитетот Лунд во Шведска пронашле „генетски клучеви“ кои објаснуваат како растенијата толку силно реагираат на механички дразби.
Оваа генетска мистерија е стара 30 години, но засега нема објаснување. Откривањето на овој механизам може да помогне да се генерираат повисоки приноси и подобрена отпорност на стрес кај идните култури.
Растенијата силно реагираат на механички дразби од човечки допир, острица од ножеви, животни, ветер и дожд. Овие надворешни фактори доведуваат до брзо активирање на молекуларниот одбранбен систем на растението, што пак може да придонесе тие да станат поотпорни и подоцна да цветаат.
