Куртовската капија е пиперка со интензивна црвена боја, цврста и компактна. Се карактеризира со висок раст и висечки плодови.
Што се однесува до зреењето, пиперката куртовска капија припаѓа на доцните сорти. Многу е вкусна и родна. Ова е најдобрата пиперка за ајвар, а приносите се движат до 30 т/ха.
Сеење на семето
Кога станува збор за пиперката куртовска капија, сеењето на семето се врши кон крајот на март. За да никне брзо и правилно, потребна е топлина и влага во почвата. Од таа причина најдобро е да се одгледува во расадник каде што ќе ѝ се обезбедат сите потребни услови.
Во идеални услови, треба да никне за 10-15 дена. Кога треба да го посеете семето во расадникот, се препорачува 4 дена пред сеидбата да ги ставите семките од пиперката во млак чај од камилица и потоа да го посеете во плитки леи.
Садење на расадот
Расадот треба да се „кали“ пред да се изнесe на полето. Тоа значи дека е потребно најмалку една недела да биде изложен на природни услови (директна сончева светлина, студени ноќи, дожд, ветер итн.).
Расадувањето треба да се врши по дожд, на облачно време. Ако расадот се одгледува во контејнери, може да се сади и на топло и сончево време. За превентивни цели, растенијата треба да се испрскаат со бакар и системски инсектицид додека се уште се во леите. Обилно наводнување треба да се изврши ден пред корнењето.
Доколку садењето на расадот се врши во заштитен простор, нема потреба од калење. Ископајте дупки за садење, ставете вода и потоа засадете го расадот во калта. По садењето, веднаш следи наводнување. Младите растенија треба да се третираат внимателно. Длабочината на садење е до првите ливчиња на стеблото, а се прави на 50 × 25 см по едно растение.
Одгледување и грижа
По никнување на растенијата, пресадувањето се врши во средината на мај на добро наѓубрена почва, која е песоклива и растресита, со растојание од 50 × 25 см. Се препорачува да се постават 2-3 садници заедно, бидејќи тие подобро напредуваат кога ќе се стават заедно.
Прихранувањето е многу важна агротехничка мерка. Потребни се барем две прихранувања, а за принос од над 35 тони/ха потребно е и трето прихранување. Првото се изведува околу 20 дена по расадувањето со азотно ѓубриво на пр. KAN, околу 250‐300 кг/ха. второто на 20 дена после првото со комбинирани ѓубрива NPK, со 200кг/ха KAN и 200кг/ха 10‐30‐20 или 15‐15‐15. Ако има потреба од трето прихранување тогаш се оди како во претходното прихранување.
Принос дава во август и септември.
Пиперките бараат висока и постојана температура и влажност на почвата. Оптималната температура за ртење е 25-30° C. Пиперките треба редовно да се полеваат, а стебленцата што не се развиле правилно треба да се откорнат. Оваа пиперка брзо се зафаќа кога се сади и бара голема топлина и влажност на почвата.
