За стеблата да не отфрлат многу плодови по завршувањето на цветањето, во наредниот период потребно е овошките да се прихранат со азотни ѓубрива.
Најдобро е да се користи KAN кој има 27 проценти азот бидејќи брзо се разградува и се апсорбира од корените на овошките. Доволни се два до три грста околу стеблото. На овој начин, овошното дрво треба да отфрли помалку плодови бидејќи ќе ја има потребната сила за раст на плодовите.
Исто така потребно е да се изврши и прихрана преку листовите, бидејќи на овој начин хранливите материи брзо се апсорбираат. Кристалоните и другите средства растворливи во вода се користат во доза од 300 грама на 100 литри вода. Најдобро е да содржат формулација со приближно иста содржина на азот, фосфор и калиум, за растот на плодовите да биде порамномерен, како и да содржат калциум, кој придонесува за цврстина и помала чувствителност на плодовите на пукање поради влажното време.
