Новитетот во производството на пченка доаѓа од „Bayer“, светскиот производител на семиња и хемикалии. Како што известува Ројтерс, компанијата следната година ќе пушти нови хибриди на пченка за САД, за кои вели дека подобро ќе издржат екстремни услови и силни ветрови поврзани со климатските промени. Идните продажби во Северна Америка се проценуваат на дури 1 милијарда евра.
Новина е што оваа серија има за една третина пократок период на вегетација, а 150 американски фармери ќе ја одгледуваат во комерцијален експеримент во 2023 година. Според соопштението на „Bayer“, пуштањето на поширокиот пазар е планирано за 2024 година.
Станува збор за пченка со низок раст, која е создадена за да ги издржи сите понестабилни временски услови поврзани со климатските промени. Почетната сеидба ќе биде од традиционално одгледувани семиња.
Според планот, биотехнолошките особини и генетски уредените хибриди ќе бидат воведени во 2027 година или подоцна, освен во Северна Америка и другите географски области, вклучувајќи ги Латинска Америка, Азија и можеби Европа. Глобалната продажба би требало да достигне врв од 2030 година.
Боб Рајтер, раководител на истражување и развој на одделот за наука за култури на „Bayer“, рече дека очекуваат во иднина пченката да се прошири низ светот.
Најавуваат дека посевите ќе бидат полесни за одгледување поради пократката вегетација, помалата количина потребни ѓубрива, пестициди и други земјоделски хемикалии, а самите растенија ќе бидат поотпорни на налетите на ветерот.
