Кате Бандеска е тутунопроизводител од прилепското село Канатларци. Нејзиното семејство традиционално годишно произведува по 1 до 1,5 тони тутун кој го работат, таа, нејзината ќерка и сопругот.
– Jас имам 45 години, во тутун сум родена и до ден денес тоа произведувам. Од кога знам за себе секоја година иста „приказна“, почнуваме со леите со расадот, па го расадуваме, одржување, берба, нижење, редење…се додека не го предадеме во монополот, со тутунот сме ангажирани – раскажува Кате за Агротим.
Од работа вели дека не се жали, тутунот е тежок за работа, но последниве години доста е исплатлив.
-Ние садиме тутун на 6 декари и особено со воведувањето на субвенциите од едно евро за килограм тутот стана наш основен извор за егзистенција. Oткако субвенциите се по класи, уште повисоки, се трудиме да произведеме квалиtет и така да добиеме по 80 денари за прва класа или 70 денари за втора класа. Но мора да следиме новитети во производството и да го осигураме родот – вели Кате.
Колку е важно да се следат новите технологии во земјоделското производство тоа најдобро се потврди годинава кога невреме со град го погоди регионот на Канатларци и уништи големи површини со тутун.
-Градот го зафати и нашиот тутун, големи штети ни направи и бевме многу разочарани, да речам плачевме на нивата. Вечерта на фејсбук споделив фотографии од оштетениот тутун и така дојдов до информации дека постојат средства за прихрана кои можат да го подобрат растот на тутунот односно да ја санираат штетата. Така стапивме во конаткт со фирмата „Биоаграр“ од Ресен која нудеше препарат „Панамин“. Препаратот не беше воопшто скап, го испрскавме во два наврати тутунот и за за брзо време се обнови и потоа беревме како воопшто да не бил оштетен од град – раскажува Кате и додава дека најважно за земјоделците е да прифаќаат новитети, да се едуцираат и секако да го осигураат родот.
-Колку беше правилна одлуката да го истретираме со средство за прихрана и да го спасиме тутунот ни потврди сега откупот. Однесовме во Алијанса 600 килограми квалитетен тутун кој ни помина со просечна цена од 220 денари за килограм. Многу сме задоволни од годинава, назад имаме уште 600 килограми исто така квалитетен тутун – ја завршува својата приказна тутунарката Кате Бандеска од Канатларци.
