Неколку години по садењето овошни насади, повеќето овошни дрвја растат во висина или стануваат неугледни грмушки. Клучот за успехот за подобар принос на овошје по дрво е да се крои редовно и правилно. Иако кроењето често се претставува како комплицирана работа, всушност не е.
Постојат многу различни методи за тоа како најдобро да се изврши зимското кроење на овошките, а во продолжение може да прочитате за кроењето во три чекори. Со оваа постапка се добиваат одлични резултати кај голем број различни видови овошни дрвја.
Прв чекор – Чистење
Започнете со кастрење на гранките кои се исушиле во текот на годината (бр.1) и кои се оштетени или скршени (бр.2). Отстранете ги и изданоците што растат директно од стеблото на дрвото (бр.3). Тие често немаат врска со плодот, туку се изданоци на подлогата на која е калемена овошката.
Втор чекор – Проретчување
Целта на проретчувањето е да се дозволи светлината и воздухот подеднакво да стигнат до сите листови. Ова ја намалува можноста за ширење на растителни болести и штетни инсекти.
Прво отстранете некои од гранките кои растат надолу, но и сите оние кои густо се сечат и се преклопуваат со другите гранки. Пожелно е потоа да се прегледа целото растение.
Искројте ја круната што е можно поретко така што ќе направите изедначена густина на гранките. Треба да го обликувате секое дрво на сличен начин за сите овошки да изгледаат исто.
На места каде што гранките се разгрануваат, пожелно е да се остават оние гранки кои се најздрави. Исто така, погрижете се аголот помеѓу двете гранки да биде околу 70 степени. Ако аголот остане преголем, постои можност гранките да се скршат под тежината на плодот. Од друга страна, ако го оставите аголот премногу остар, нема да има доволно воздух за време на вегетацијата.
Продолжете со сечење додека просторот околу секоја гранка не биде помеѓу 15 и 30 сантиметри. Важно е секоја гранка да има доволно воздух и простор за развој. Како и при чистењето, сечете директно до главната гранка или стеблото.
Не ги оставајте чистите, рамни гранки подолги од 30 см без странични гранки. Се смета дека 30 сантиметри годишно е доволна должина за прираст.
Трет чекор – „фризирање“
Третиот чекор е најлесниот, бидејќи тогаш вашите овошки добиваат „нова фризура“. Треба да почнете однадвор и да сечете кон стеблото. Целта е да се направат гранките подебели и пократки. Експертите советуваат дека ваквото сечење го спречува кршењето на гранките поради тежината на плодот, а дрвото потоа лачи хормони во долниот дел од крошната. Така дрвото дава поголем принос и не оди во висина и ширина.
Целта на „фризирањето“ е да се исечат 20 до 30% од минатогодишниот раст на дрвото. Минатогодишниот раст може да се препознае по погрубата кора и дебелината на гранката. Важно е да се грижите каде ќе ги правите резовите. Најдобро е да исечете 5 до 8 милиметри над пупката што ви одговара во положба и правец.
Дополнителни совети
-Проверете дали вашите ножици за кроење се остри. Ако не се доволно остри, можете и сами да ги изострите.
-За да избегнете ширење на болести, дезинфицирајте ги ножиците со алкохол.
-Правилно отстранете го или фрлете го исеченото дрво за да спречите ширење на болеста на здравите делови.
-Премачкајте ги деловите подебели од 5 cm со восок за калемење.
-Веднаш по кроењето треба да се направи зимско прскање на овошките.
