Најчести болести од кои можат да заболат пчелните семејства во нашата земја

Најчестите болести од кои можат да заболат пчелните семејства во нашата земја се американски гнилеж, варовито легло и варооза.

Американски гнилеж
Ова е најтешка болест на пчелното легло, па и на пчелното семејство воопшто. Распространета е во целиот свет, нанесува огромни штети, особено во потоплите географски реони. Болеста ја предизвикува бактеријата Bacillus larvae White.

Варовито легло
Се појавува често во пчеларниците, но не е тешка или неизлечива болест. Во исклучивo родни години болеста исчезнува сама од себе, а добри резултати се постигнуваат со стеснување на просторот во сандакот проследен со додавање на меден раствор на чај од mellica oficinalis (кај народот познат како чумилок, пчелинок, маточина) во кој има додадено сок од лимон.

Варооза
Вароозата или народно крлежот на пчелата е најзастапена болест на пчеларниците. Таа е паразитарно заболување причинето од паразитот Varroa Jacobsoni Oudemans, видлив со голо око, кај кој се разликуваат машки и женски единки.