Месарите во Србија, заработуваат колку и менаџерите во фирмите, дури и до 120.000 динари месечно, но и покрај одличната плата, никој не сака да се занимава со оваа работа. Поради тоа домашните компании се принудени да ангажираат месари од дури 6.600 километри оддалечениот Бангладеш, пренесува Блиц.
Сопствениците на месните индустрии се во големи проблеми бидејќи колку и да им ги зголемат платите на работниците, секогаш се плашат дека ќе си дадат отказ. Во една фабрика велат дека додека имаат можности ќе им ги зголемуваат платите на месарите, но тоа не можат да го прават до бесконечност.
Во претходните три години на сајтот за огласување на работа се барале дури 130 месари.
Милош Турински од локалитетот „Инфостуд“ истакна дека месарите, како и голем број други занаетчиски занимања со години се дефицитарни.
„Една од причините зошто месарите се дефицитарни е незаинтересираноста за едукација на овие кадри. Потоа голем број стручни кадри заминаа во странство, а третата причина се условите за работа“, забележува Турински.
