Леденото вино е многу специфичен и скап пијалак кој е исклучително редок, иако луѓето знаат за него уште од римско време.
Технологијата на правење ледено вино не се променила значително од антички Рим. Специфичноста на ова вино лежи во тоа што се прави од грозје од најдоцната берба – декемвра, односно ноемвриска, во постудените региони. Додека дојде времето за оваа берба, грозјето е полно со шеќер, а за производство на ова вино климатските услови се клуч за квалитет.
Бербата се врши кога температурите паѓаат под нулата. Производителите од различни делови на Европа (Германија, Австрија), па дури и од светот (Канада), имаат различни правила. Едно од овие правила вели дека бербата се врши кога температурата 7 дена континуирано не надминува -7 степени Целзиусови.
Правилото до кое секаде се држат производителите е – колку е пониска температурата, толку е поголема концентрацијата на шеќер.
Грозјето се бере исклучиво рачно и во темница. Бербата мора да заврши пред утро и пред утринското сонце. Веднаш по бербата на плодот се започнува со преработка.
Во такви услови водата во грозјето која е замрзната останува во значителна количина во комињето по цедењето на ширата. Од набраната количина грозје се добива само 15% шира, во споредба со количината која би се добила доколку грозјето било обрано пред мразевите. Леденото вино содржи и понисок волумен на алкохол – околу 8%.
Исклучително е важно во грозјето, покрај високата концентрација на шеќер, да има и висока концентрација на киселини. Во спротивно виното нема да биде квалитетно.
И црвеното и белото грозје може да се користат за производство на ледено вино. Од белото грозје, кое почесто се користи за правење ледено вино, се препорачува ризлинг (италијански, т.е. грашевина или рајнски), што е логично ако се земе предвид дека се работи за сорти со висока содржина на киселина.
Покрај ризлинг, како бели сорти може да се користат и траминец, шардоне и пино гриџо. Од црните сорти, најпопуларни се мерло и пино ноар, но може да се користат и каберне совињон и каберне франк.
Вакво вино може да се прави исклучиво во текот на посебни години, со паузи помеѓу две такви берби од најмалку 3 години.
Ледените вина се екстремно скапи, невозможно е да се најде ледено вино под 25 евра за шише од 375 милилитри, а со стареењето цената само расте.
Постојат добри причини зошто ваквите вина имаат висока цена. Со оставањето на грозјето на виновата лоза, винарите ризикуваат многу затоа што малку е потребно за да пропадне целата берба. Цената ја зголемува и рачната берба навечер и во зима. Исклучително нискиот рандман и неможноста да се прави вакво вино секоја година само придонесува за високата цена.
