Со строги контроли Русија го отежнува увозот на јаболка – Дали целта е да се зголеми цената на домашните јаболка?

Процедурата за увоз на свежи јаболка од одредени земји во Русија од минатата недела стана покомплицирана. Според информациите до кои дојдоа аналитичарите на East Fruit од учесниците на рускиот пазар за овошје и зеленчук, се работи за Србија, Турција, Иран, Нов Зеланд и Јужна Африка.

Тие се повикуваат на допис од Федералната служба за ветеринарен и фитосанитарен надзор (Rosselkhoznadzor) во кое се предвидува секоја серија на увоз од овие земји да биде внимателно проверена за да ја надмине максималната дозволена концентрација на остатоци од пестициди, вклучително и пириметанил, хлорпирифос и хексахлоробензен.

Испораките на јаболка доцнат неколку дена, а добавувачите, како резултат на тоа, претрпуваат значителни загуби. Поради тоа сметаат дека овие мерки се форма на нетарифни бариери за увоз со цел да се заштитат домашните производители и да се спречат пазарните вишоци.

Дали целта е да се зголеми цената на домашните јаболка?

Со доцнењето на испораките, рускиот домашен пазар заживеа. Цените сè уште не се пораснати, но руските супермаркети го зедоа предвид факторот на доцнење и посилниот увоз со тоа што ја зголемија вредноста на домашните набавки дури и за поевтините сорти и пониските класи. Според учесниците на пазарот, на цените влијае и недостатокот на извоз на полски јаболка преку Белорусија поради моменталната состојба со мигрантите.

Молдавија не е меѓу земјите вклучени во црната листа, а се смета дека причината е што таму цените почнале да растат. Во моментов, просечното ниво на големопродажба на јаболка на рускиот пазар е за 10 до 15 отсто пониско од минатата година, но сепак е значително повисоко во однос на сезоната 2018/19.

Интересно е што во септември годинава Русија нагло го зголеми увозот на овој вид овошје во однос на истиот месец во 2020 година, иако во август увозот бил помал од претходната година. Главниот пораст на извозот во Русија е забележан од Молдавија во септември 2021 година, а залихите се удвоиле и достигнале 19,4 илјади тони.

Испораките на ирански јаболка се зголемија за девет отсто на 9.000 тони, додека Србија го намали увозот во земјата за 7 отсто на 2,8 илјади тони во септември. Инаку, во периодот од август до септември годинава испораките од Србија биле за една третина помали од лани. Турција, пак, продолжи да го зголемува извозот, за 23 отсто повеќе во септември во однос на истиот месец минатата година.