На YouTube каналот Farming Insider објавено е видео на кое се прикажува, хиперпроизводство на сено. Станува збор за, како што наведуваат, XXL производство на семејната фарма Miller Farms Custom во САД, поточно на северот на државата Охајо.
Овие земјоделци гордо ја покажуваат својата техника, технологија, но и машините за балирање сено. Минатата година, тие објавија дека можат да балираат и да соберат 10.000 бали дневно, но оваа година се пофалија со резултати од 13.000, па дури и повеќе, во зависност од временските услови.
Како што велат во видеото, дождот и росата знаат да им создадат проблеми. Балите се редат со ставање пластична фолија на дното на складиштето, а потоа ја шират сламата врз неа, за сеното да не ја собира влагата.
Прикажани се снимки од целата операција, од воздух, направени со помош на дронови.
Откриваат дека главно работат со трактори и балирачи од марката Massey Ferguson, камиони Kenworth Semis, приколки Arcus и JCC натоварувач, кој може да пренесе 42 бали одеднаш, Kuhn машини, а секако, камионите Ford се неизбежни на полињата во Америка.
Погледнете како изгледа XXL балирањето на оваа фарма.
