Министерот за земјоделство Бранислав Недимовиќ разговарал со ирачкиот министер за надворешни работи Фуад Хусеин за враќање на српските земјоделски производи во Ирак. По 40 години отсуство на српски земјоделски производи од ирачкиот пазар, двајцата министри се согласија нашата делегација следниот месец да отпатува во Багдад.
На барање на ирачката делегација, тим експерти од српското Министерство за земјоделство заминува во Ирак, каде што, покрај разговорите за извоз на српската храна, ќе започнат и со работа на подготовка на проекти за развој на земјоделството во таа земја.
Српските експерти ќе бидат ангажирани во изготвување стратешки документи за развој на ирачкото земјоделство, но и во разговори за соработка во сите други сектори на земјоделството.
