Во недела на 10 октомври, по повод 8 Октомври, празникот на Крива Паланка, Здружението на спортски риболовци „Мрена“ од овој град организира сениорски републички куп натпревар во риболов на пливка „МРЕНА 2021“ .
Како што информираат од таму, на овој натпревар ќе земат учество 9 екипи од земјава, а поради оправдани причини е откажано присуството на уште 9 екипи од соседна Србија и Бугарија. Натпреварот ќе се одржи на браната Отошница, кај Крива Паланка и истиот ќе започне во 07 часот и 30 минути и ќе трае до 13 часот и 30 минути. Од таму информираат дека поради пандемијата сите протоколи комплетно ќе бидат испочитувани. За првите тројца најдобри ќе следуваат и медали, пехари како и стокови награди. Натпреварот се одржува по иницијатива и поддршка на општина Крива Паланка.
Од ЗСРРК Мрена Крива Паланка известуваат дека ова е осма година по ред откако тие како концесионери на Крива Река 1 Кривопаланечки го организираат овој настан. Велат дека пред пандемијата имале мнгоу поголем број на учесници не само од земјава туку и од други држави но сега поради актуелната ситуација со корона вирусот и претпазливоста е поголема.
Со одлука на УО на Мрена за оваа година дозволите ќе изнесуваат :
Годишна 700 ден.
15-дневна 600 ден.
7-дневна 400 ден.
Дневна 200 ден.
Ова Спортско риболовно друштво постои повеќе од половина век и бележи успешни резултати во своето работење. Во моментов брои 270 членови. Во водите на Крива Река редовно се врши порибување со крап и пастрмка. Како што не информираа од таму, кон крајот на месец ноември согалсно годишната програма се планира порибување со 100 кг подмладок пастрмка и 100 кг подмладок крап.
Рибочуварската служба непрекинато ќе работи и се замолуваат рибарите да пријавуваат криволов за поуспешно справување со криволовците, со цел за максимална заштита на рибниот фонд.
