Неодамна во дирекцијата Битола се одржа работна средба помеѓу Директорот на АПРЗ Елгафар Јусуфи, националниот координатор за рурален развој и претставниците од конзорциумот (составен од ППМ, Софија, Бугарија и Давос Инвест ЛТД од Скопје) кој што прави Ex-post евалуација на ИПАРД 1 програмата. Претставниците од конзорзциумот Сајмон Гил, Дарко Бабамов и Филип Сековски се ангажирани од Делегацијата на ЕУ во Македонија во партнерство со МЗШВ.
Целта на средбата беше проценка на нивото на задоволство од програмата, улогата и ефикасноста на советодавната служба како релевантна државна институциија при спроведувањето на ИПАРД 1 програмата во период 2009-2013.
Директорот Елгафар Јусуфи истакна дека АПРЗ како институција која ја спроведува јавната советодавна услуга во земјоделството активно беше вклучена во поддршката на ИПАРД, во делот на активностите кои се однесуваат за масовно и индивидуално информирање на потенцијалните апликанти како и во реализација на дирекна поддршка на барателите во подготовка на пакетот барања.
Во текот на 10-те јавни повици од страна на советниците при АПРЗ беа подготвени 811 барања со што значително се придонесе кон зголемување на искористувањето на финансиските средства од ИПАРД.
