Поради неговата посебна важност во исхраната последниве години, овчото млеко е препорачано и од Светската здравствена организација. Нивните експерти тврдат дека ова е најквалитетен вид млеко, кое од неоправдани причини е малку застапено во менито на современиот човек.
Овчото млеко има бела боја, пријатен вкус и главно без мирис. Количината и составот на млекото зависи од голем број фактори, според кои може да се класифицира во три основни групи: генетски (раса, индивидуалност), физиолошки (стадиум и редослед на лактација, здравствена состојба, возраст на овцата, број на јагниња) и еколошки (исхрана, начин на молзење, услови на живеење, годишно време, клима).
Белковините во овчото млеко се главно во форма на казеин (75 – 80%). Овчото млеко, во споредба со кравјото, има слична содржина на лактоза. Содржината на лактоза во млекото варира во зависност од лактацијата и здравствената состојба на вимето.
На почетокот на лактацијата, содржината на лактоза е поголема, додека на крајот на лактацијата е помала. Овците чие виме има маститис имаат поголема содржина на лактоза и содржината на лактоза може да се земе како показател за здравјето на вимето на овците.
Поради некои витамини што ги содржи, овчото млеко е побогато во однос на кравјото млеко. Благодарение на посебно развиениот имунолошки систем, мала е можноста да се најдат микроорганизми во млекото кои би го загрозиле здравјето на луѓето.
Лактацијата на овците трае од 150 до 240 дена, и зависи од расата, приносот на млеко и други фактори. Расата значително влијае на квантитетот и квалитетот на млекото. Највисокото производство на млеко се постигнува во периодот од 3. до 4. недела од лактацијата, додека подоцна се намалува.
Извор: agrosavjet.com
