Утре ќе се одржи јавна дебата во МЗШВ за новиот предлог-закон за пасишта

Во насока на максимална тренспарентност и почитување на деловничката обврска, за јавна достапност на новиот предлог-закон за пасишта, утре ќе се одржи јавна дебата, во големата сала на МЗШВ.

Поканети се научните институции и здруженијата на сточари, во насока на целосна инклузија на сите засегнати страни, од кои очекувам утре, јавно да ги искажат своите ставови, забелешки и предлози во однос на новиот предлог- закон за пасишта.

Јас сум секогаш отворен за конструктивни дијалози и носење на заеднички решенија. Носењето на законите, директно ги засега земјоделците и најсреќен сум кога промените ги правиме согласно нивните барања и потреби. Законот за пасишта пред да биде даден на усвојување, детално ќе го анализираме утре на јавната дебата. Сите издржани забелешки и предлози, ќе бидат земени во обзир за понатамошна евалуација – напиша министерот Арјанит Хоџа на својот фејсбук-профил.