Што е перга и како се користи?

Перга е ферментиран цветен полен. Но што точно значи тоа?

Тоа значи дека пчелата собира полен, а потоа го навлажнува со сокови, секрети и го става во саќето. Потоа го покрива (конзервира) со мед и восок. Тогаш започнува процесот на ферментација, а пергата добива девет пати поголема хранлива вредност од поленот.

Треба да се почека најмалку три недели за да се собере пергата, односно да се извади од саќето. Содржи повеќе од 200 микроорганизми збогатени со разни витамини, протеини, ензими, аминокиселини, природни квасци и јаглехидрати.

Малкумина знаат, а важно е да се спомене дека до две третини од тој мал простор во саќе е перга, а само една третина е мед. За да се извади пергата, треба да бидете внимателни, трпеливи и многу концентрирани. Целиот процес е прилично тежок.

Се извлекува од саќето на почетокот на главната паша кога нејзините залихи се најголеми. Пергата се вади исклучиво од нови рамки во кои немало легла, а целиот процес на извлекување се прави на различни начини.

На пазарот, обично можеме да најдеме перга во три форми: со саќе, што е нешто поретка, а потоа во гранули и во комбинација со мед и други пчелни производи.

Најдобро е да земете три или четири гранули наутро и полека да ги растворите под јазикот на празен стомак. Исто така, наутро можете да земете лажичка мешавина од перга, матичен млеч, прополис и полен. Половина час после тоа, ништо не треба да се става во устата, дури ни вода. Вака најдобро функционира, поточно, најбрзо стигнува до крвотокот.