Акција за чистење на дел од брегот на Тиквешко Езеро викендов организираше регионалното еколошко друштво „Еко-живот“ од Кавадарци.
Претседателот на Здружението, Роберто Паризов попладнево рече дека и во иднина, како и досега, ќе работат на решавање на проблемите од сферата на заштитата на животната средина.
-Нашите активисти и понатаму посветено ќе работат на заштита на биодиверзитетот. Голема благодарност до пратеничката Даниела Колева која ни се приклучи во акцијата, до ЈП „Комуналец“ за несебичната поддршка, како и до општина Kавадарци со која имаме сѐ почеста соработка за подигање на свесноста, како и синхронизирање со националните стратегии за животна средина – додаде Паризов.
Колева која учествуваше во еко-акцијата за расчистување на месноста Брушански залив, рече дека само со „заеднички труд и вистински навики кај сите, ќе може да ја заштитиме животната средина и да ја зачуваме чиста и безбедна за идните генерации“.
