Од подрачната единица на министерството за земјоделство, шумарство и водостопанство во Битола, не информираат дека сеуште има неиздадени 1048 картички „зелена нафта“. Ги повикуваат земјоделците да дојдат во нивната канцеларија и да ги подигнат картичките.
– До денеска се издадени точно 2386 картички за зелена нафта. Останати се уште 1048 и ги очекуваме земјоделците да дојдат и да ги подигнат картичките. Тоа се нивни средства што им следуваат за намалување на производните трошоци и треба да ги искористат – изјави раководителот на ПЕ, Методија Илиевски.
Илиевски информира и за завршувањето на пријавувањата за трета фаза за млеко за месеците мај, јуни, јули, август и септември од програмата за дирекни плаќања. За субвенции во ПЕ се поднесени 591 барање.
