Бугенвилијата е зимзелен ползавец со потекло од Бразил. Припаѓа на семејството Nyctaginaceae. За раст потребни и се топлина и сончева позиција.
Отпорна е на студ, но не поднесува остри зими, па мора да ја засадиме во саксија. Со појавата на првите мразови, ја внесуваме во затворена, светла просторија на температура од 8 до 12 степени Целзиусови. Бугенвилијата цвета од почетокот на летото до првите денови на есента.
Цветовите се жолто-бели, а најголем украс на ова растение се ливчињата со жолта, портокалова или црвена боја. Листовите се наизменично поставени, мазни и шилести на врвовите. Секоја градинарска почва и одговара. Треба да се наводнува изобилно во текот на летните месеци, а многу малку или воопшто да не се наводнува во периодот на мирување.
Бугенвилијата е ползавец кој лесно може да порасне повеќе од десет метри во висина. За да може да ги носи големиот број листови и цветови, стеблото мора да биде силно и широко. Затоа ова растение не треба да се сади веднаш до ѕидот на куќата, туку на растојание од најмалку 30 см. Но, тоа не е единственото правило. Важно е да се обрне подеднакво внимание на длабочината на садењето. Имено, овој вид, за разлика од други повеќегодишни растенија, мора да се сади подлабоко отколку што бил засаден во саксија.
Бугенвилијата (bougainvillea, bogumila) е растение кое сака многу сонце, па затоа тоа дефинитивно треба да се земе предвид при садењето.
Нејзиното кроење можеби е најдобро да се спореди со кроењето на виновата лоза. На крајот на зимата, односно пред почетокот на вегетацијата, растенијата се оформуваат така што се оставаат само главните гранки.
Се користи за покривање на огради и летниковци, а особено доаѓа до израз ако ја засадиме на изложено место без соседни растенија; во постудените краишта се засадува во саксија и се одгледува како стебло.
Бугенвилијата е едно од ретките растенија кое не го напаѓаат никакви болести или штетници, таа е отпорна на студ, но не поднесува тешки зими, па се преместува во затворени и осветлени простори.
Извор: vecernji.hr
